Boosted Posts vs Facebook Ads Manager – երբ ո՞րն օգտագործել

Facebook գովազդային հարթակը գովազդային արշավներ ստեղծելու համար առաջարկում է երկու հիմնական տարբերակ՝ Boosted Posts (խթանված հրապարակումներ) և Facebook Ads Manager։ Երկուսն էլ նախատեսված են լսարանին հասնելու համար, բայց ունեն տարբեր նպատակներ, գործիքներ և հնարավորություններ։ Ուրեմն՝ ո՞րն ընտրել և երբ։

🚀 Boosted Posts – արագ լուծում, բայց սահմանափակ հնարավորություններ

Boosted Post-ը պարզապես ձեր օրգանիկ հրապարակման վճարովի խթանումն է, որը թույլ է տալիս այն հասանելի դարձնել ավելի լայն լսարանի։

Երբ օգտագործել:
✔ Երբ պետք է արագ մեծացնել հրապարակման տեսանելիությունը
✔ Երբ ցանկանում եք ավելացնել հավանումները, մեկնաբանությունները և տարածումները
✔ Երբ բարդ թիրախավորում կամ մարքեթինգային խորքային ռազմավարություն չի պահանջվում
✔ Երբ ցանկանում եք ուղղակիորեն փորձարկել կոնտենտի ներգրավվածությունը

Թերություններ
✖ Սահմանափակ թիրախավորում
✖ Չկա A/B թեստավորման հնարավորություն
✖ Չես կարող վերահսկել կոնկրետ նպատակները, օրինակ՝ կայքի կոնվերսիաները

🎯 Facebook Ads Manager – պրոֆեսիոնալ մոտեցում

Facebook Ads Manager-ը հզոր գործիք է, որը թույլ է տալիս ավելի խորքային մարքեթինգային ռազմավարություններ մշակել։ Այն առաջարկում է բազմաշերտ կառավարման համակարգ՝ բաղկացած երեք մակարդակից՝ արշավ (Campaign), գովազդային փաթեթ (Ad Set) և գովազդ (Ad)։

Երբ օգտագործել:
✔ Երբ պետք է թիրախավորել կոնկրետ լսարան (Lookalike, Retargeting և այլն)
✔ Երբ գովազդային արշավը պետք է օպտիմիզացվի կոնկրետ նպատակների համար (կոնվերսիաներ, կայքի այցելություններ, կապի ձևերի լրացում և այլն)
✔ Երբ անհրաժեշտ է մանրամասն վերահսկել բյուջեն և օպտիմիզացնել գովազդի արդյունքները
✔ Երբ ուզում եք A/B թեստավորել տարբեր կրեատիվներ և թիրախավորման տարբերակներ
✔ Երբ ցանկանում եք ընտրել գովազդի տեղադրման հարթակը (Facebook, Instagram, Messenger, Audience Network)
✔ Երբ պահանջվում է հստակ կառավարման և կատարողականության վերլուծություն

Թերություններ
✖ Ավելի ժամանակատար է կարգավորելու համար
✖ Պահանջում է մարքեթինգային որոշակի գիտելիքներ

🔥 Եզրակացություն

Եթե ձեզ հարկավոր է արագ արդյունք և պարզ լուծում, ապա Boosted Post-ը լավ տարբերակ է։ Սակայն, եթե ցանկանում եք խորը ռազմավարություն, ավելի մեծ վերահսկողություն և արդյունավետ ծախսեր, ապա Facebook Ads Manager-ը կլինի ավելի ճիշտ ընտրություն։

🎯 Խորհուրդ deepook մարքեթինգից: Boosted Posts-ը լավագույնս աշխատում է, երբ այն օգտագործվում է որպես Ads Manager-ի երկարաժամկետ արշավների լրացում, ոչ թե փոխարինում։