Facebook Ads Library-ն հզոր գործիք է, որը թույլ է տալիս ուսումնասիրել մրցակիցների գովազդային արշավները, հասկանալ նրանց ռազմավարությունը և քաղել կարևոր դասեր։ Ճիշտ օգտագործելով այս գործիքը՝ դուք կարող եք բարելավել ձեր սեփական գովազդային արշավները և բարձրացնել դրանց արդյունավետությունը։

Ի՞նչ է Facebook Ads Library-ն

Facebook Ads Library-ն հանրային արխիվ է, որտեղ կարելի է գտնել ցանկացած էջի գովազդները, որոնք ներկայումս ակտիվ են կամ եղել են ակտիվ, իսկ այժմ արխիվացված են։ Այն թույլ է տալիս ուսումնասիրել գովազդի տեքստը, կրեատիվները, տեղադրման (placement) վայրերը և ավելին։

Ինչո՞ւ ուսումնասիրել մրցակիցների գովազդները

Տեսնելու համար, թե ինչպիսի գովազդային կոնտենտ է աշխատում տվյալ ոլորտում
Բացահայտելու մրցակիցների թիրախավորման մոտեցումները
Իմանալու, թե որ կրեատիվներն են ավելի գրավիչ
Սովորելու մրցակիցների հաջողված արշավներից և խուսափելու սխալներից

Քայլ առ քայլ ուղեցույց

1. Մուտք գործեք Facebook Ads Library

Բացեք Facebook Ads Library և ընտրեք համապատասխան երկիրը, կատեգորիան կամ կոնկրետ բրենդը, որի գովազդները ցանկանում եք ուսումնասիրել։

2. Որոնեք մրցակիցների գովազդները

Մուտքագրեք մրցակցի բիզնես էջի անվանումը կամ բրենդը, և կտեսնեք նրանց ակտիվ և արխիվացված գովազդները։

3. Վերլուծեք գովազդային կրեատիվները

Ուշադրություն դարձրեք վիզուալներին՝ գույներին, ձևավորմանը, ոճին
Կարդացեք գովազդային տեքստերը՝ տեսնելու, թե ինչ հաղորդագրություններ են օգտագործում
Նայեք, թե արդյոք կան CTA (Call-to-Action) կոճակներ

4. Վերլուծեք գովազդների ձևաչափերն ու տեղադրումները

Facebook Ads Library-ն ցույց է տալիս, թե որտեղ է տեղադրված գովազդը՝ Facebook, Instagram, Messenger կամ Audience Network։

Եթե գովազդը շատ տեղադրումներով է (placement) աշխատում, դա նշանակում է, որ այն լայնածավալ արշավ է
Կարող եք տեսնել՝ մրցակիցները օգտագործում են վիդեոներ, թե ստատիկ նկարներ
Կարևոր է ուսումնասիրել, թե ինչ ձևաչափեր են ամենատարածվածները ձեր ոլորտում

5. Վերլուծեք թիրախավորումը և ռազմավարությունը

Facebook-ը ցույց չի տալիս գովազդի կոնկրետ թիրախավորված լսարանը, բայց կարելի է հասկանալ, թե ում է ուղղված գովազդը՝ ելնելով դրա բովանդակությունից։

Տեսեք՝ ինչ լեզվով է գրված գովազդը
Ուշադրություն դարձրեք օգտագործվող բառերին ու կոչերին
Նայեք, արդյոք գովազդը հարմարեցված է հատուկ տարիքային խմբերի համար

6. Համեմատեք տարբեր ժամանակաշրջանների գովազդները

Եթե բրենդը ամիսներ շարունակ նույն գովազդն է օգտագործում, դա նշանակում է, որ այն արդյունավետ է։ Հակառակը՝ եթե գովազդները հաճախ են փոխվում, հավանաբար թեստավորման փուլում են։

Ինչպես օգտագործել այս ինֆորմացիան

Ստացեք գաղափարներ ձեր սեփական գովազդների համար
Իմացեք, թե որ կոնտենտն է ավելի ներգրավող ձեր ոլորտում
Կրկնեք հաջողված ռազմավարությունները և խուսափեք սխալներից

խորհուրդ deepook մարքեթինգից՝ միայն ուսումնասիրելն ու կրկնօրինակելն արդյունավետ չէ․ ձեր բրենդի համար մշտապես ստեղծեք եզակի, ստեղծագործական մոտեցմամբ գովազդներ, որոնք կհամապատասխանեն ձեր նպատակներին։